1/2 líters Egils-Kristall/Kristall + flöskur í öllum mögulegum litum.  Þeir eru 6.  Ég nota þær til að meta hvað ég er búin að drekka mikið vatn yfir daginn - fyrst gul, svo rauð, svo græn... þið fattið.  Ef ég kemst í bláu er ég líklega búin að drekka nóg vatn.

Systur minni finnst ég skrýtin.

hvað hausinn á manni yfirfyllist þegar skólinn byrjar...  Ég meina, ég er nú allajafna ekkert sérstaklega dugleg að fylgjast með dægurmálum líðandi stundar, en nú þegar bara einn dagur er liðinn af skólanum er hausinn á mér að fyllast af keilusniðum, sporbaugum, fleygbogum og breiðbogum, strútum, vigrum og fylkjum...  Og það bara kemst ekki mikið annað fyrir!  Það litla rými sem eftir er (verður til við þjöppun og troðning... ) er frátekið fyrir matargerð og uppeldi.  Ekki mjög fjölbreytt... 

En stærðfræðinni verður nú sturtað duglega úr um helgina - þá ætla ég nebbla á TRÚÐANÁMSKEIÐ!!    Jibbíkóla hvað ég hlakka til!

Þangað til...  stærðfræði með örlitlu jarðfræðilegu ívafi.  Ekkert merkilegra.

Lov'yawl, knús og kyss!

...að 3 stærðfræðiáfangar séu gjörsamlega fóu feykirófunóg á einni önn og því hef ég skráð mig úr aflfræði.  Það tók mig alveg heilar 20 mínútur (hálfan fyrsta tímann! ) að komast að þessari niðurstöðu...  Svo nú er ég skráð í 13 einingar sem er bara alveg þrælgott enívei! 

CSI New York verður sýnt aftur á föstudagskvöld klukkan hálftólf.  Þar sem ég á ekki að mæta á TRÚÐANÁMSKEIÐ fyrr en kl. 11 morguninn eftir er það mun skynsamlegri kostur.  Étla vera skynsöm.  Einu sinni. 

Ætti ég eða ætti ég ekki að horfa á CSI New York núna klukkan hálf tólf?  Það er óneitanlega soldið seint þegar maður þarf að mæta hress og kátur í aflfræði snemma morguninn eftir...    Og strax á eftir í stærðfræðigreiningu II...   Hinsvegar er þetta framhald af CSI Miami síðan á fimmtudag...  Voða spennó... 

Annars var ég á alveg stórskemmtilegum stjórnarfundi hjá Leikfélagi Selfoss áðan!  Það sem sumt fólk GETUR bullað!    Takk fyrir kvöldið elskurnar mínar, sjáumst fljótt aftur!

Synir mínir voru einir heima meðan ég skrapp á Selfoss (þannig - litla systir býr nú bara alveg í næsta stigagangi) - og áttu að hátta og fara að sofa alveg sjálfir í fyrsta skipti.  Það gekk í sjálfu sér ágætlega, nema þegar ég er á leiðinni til baka hringir Axel og segist vera alveg ægilega hræddur!  Og Siggi var víst ekkert skárri...  Þegar ég kom heim var kveikt á öllum ljósum sem hægt var að finna í íbúðinni, allir gluggar lokaðir og dyrnar læstar og grjónin mín kúrðu saman yfir Syrpum í rúminu hans Axels   Þeir höfðu víst líka spilað eikkurn disk til að yfirgnæfa öll "hljóðin" - þangað til diskurinn bilaði og þeir fundu engan annan skemmtilegan

Æjá mar þarf víst soltla æfingu til að geta verið svona einn heima að kvöldlagi (þó mar sé tveir! ) - ég man alveg að ég var ekkert skárri sjálf!! 

...hafa gerst!  Klukkan er ekki orðin 9 og ég er bara komin á fætur, búin að fá mér morgunmat og er á seinni tebollanum!  (Golden Nepal, mmmm... )  Er svo gott að taka morguninn svona í rólegheitum...  Og jú, skólinn ÁTTI að byrja í dag, en enginn af tímunum sem ég er í á mánudögum byrjar í dag!  Svo ég þarf ekki að mæta fyrr en á morgun, í aflfræði og stærðfræðigreiningu II!  Snilld!

Ég hef AÐ VÍSU þurft að koma drengjunum mínum í skólann frá því á miðvikudag - en það var sko ekki nóg til að koma mér á fætur, fór bara beint upp í rúm aftur þegar þeir voru farnir en í dag ákvað ég að þeir þyrftu staðbetri morgunmat en seríós (HRAÐvaxandi drengir! ) og útbjó handa þeim skyrhristing... Nú þar sem ég fæ mér líka skyrhristing í morgunmat lá beint við að gera bara stóran skammt...  Og þar með var ég búin að fá morgunmat, sæmilega vöknuð og vildi nottla fá teið mitt...  (Í viðjum vanans - alveg nauðsynlegt að fá te á eftir skyrinu!)

Það er svooooo notalegt að borða morgunmat í rólegheitum yfir morgunblogghringnum (Jájá, þeir eru nokkrir á dag!    Þarf nú líklega að fækka þeim eitthvað þegar námið hefst... ).  Verst að til þess að geta borðað morgunmat í rólegheitum þyrfti ég eiginlega að vakna klukkan 6 morgnana sem ég á að mæta snemma...   Sjáiði það ekki fyrir ykkur?!?    Gerður að vakna klukkan 6 ef hún þarf þessi ekki alveg NAUÐSYNLEGA?!?  YEAH RIGHT!! 

En semsagt, á morgun byrjar skólinn.  Stærðfræðigreining I og II, (I - fjórða tilraun ), línuleg algebra, aflfræði og jarðfræði.  Úff púff.  Nóg að gera þar...  Sem betur fer er ég orðin nokkuð sjóuð í stærðfræðigreiningunni...  (Ætti líka að vera það, ég er bara búin að vera að garfast í þessu í heilt ÁR! )

Ég er nú samt aðeins að byrja að læra að ætla mér ekki um of, svo ég sé til hvort ég sleppi einhverjum áfanga á þessari önn...  Ég þarf nú líka að geta sinnt snúllunum mínum að ekki sé minnst á SJÁLFA MIG!  Vil síður lenda aftur í svona "crash and burn" dæmi eins og eftir síðustu haustönn...

Jebbjebbjebb...  Svííín eru fííín!! 

Og ég er ekki einu sinni að horfa á sjónvarpið, heldur vaska upp og þvo þvott  milli þessi sem ég legg kapal í tölvunni...  Ekki að það hafi ekki verið þörf á því (ja, fyrir utan kapalinn... ) - slík verk hafa verið skammarlega vanrækt undanfarna daga...  En það er nú örugglega hægt að finna sér margt skemmtilegra að gera á laugardagskvöldi!!    Sérstaklega þegar ég er barnlaus og allt!

En það er nú búið að vera útstálesi á mér þrjár helgar af síðustu fjórum (og það er sko ALGJÖRT met!  Hef ekki verið svona dugleg síðan löngu áður en Axel fæddist held ég bara! ) svo mér fyrirgefst vonandi að vilja hanga heima núna! 

Það er nú líka mikil þörf á að koma heimilinu í skikkanlegt horf - skólinn að byrja í næstu viku!  Þá verður nú ekki mikill tími til að sinna slíku...

Þessi vetur verður samt vonandi heldur skárri en sá síðasti - ég er jú komin í fast húsnæði og get meiraðsegja labbað í skólann!    Ég ætla líka að vera voða dugleg núna - bæði í labbinu og skólanum - og svo langar mig vooooooooooða mikið að finna eitthvað gott leikfélag að vinna með í vetur....  á höfuðborgarsvæðinu sko  

Ég treysti mér nebbla ekki alveg til þess að keyra svo mikið austur að ég geti verið með leikfélaginu mínu á Selfossi í vetur, því miður!    En það er nú bara tímabundið ástand þar sem ég er bara í útlegð núna og harðákveðin í að komast aftur á Selfoss fyrr en seinna!    Þangað til verð ég víst að láta mér nægja að skipta mér af í gegnum varastjórnarsetu og bókhald (sleppi því sko ekki! ) og vera OFSA dugleg að koma í heimsókn!  Lofa! 

fylgdist með Ögmundi Jónassyni tjá sig um Kárahnjúkamálið í Kastljósi áðan og komst síðan að kjarna málsins:  "Hann bara blaðrar út í loftið og er ekkert að tala um það sem hann átti að tala um!  Aumingja fólkinu í Kastljósi er bara farið að leiðast!  Sko, fyrst talar maður um vandamálið og síðan um lausnina".    Ég á svo frábæra syni! 

hvað skólabyrjunin kemur mér alltaf í opna skjöldu.  Ég meina það er ekki eins og ég hafi ekki vitað það bara snemma í sumar að drengirnir ættu að byrja í skólanum á síðastliðinn þriðjudag.  Samt var dagurinn bara allt í einu mættur á svæðið, ég þurfti að fylgja þeim hvorum á eftir öðrum á skólasetningu (sko ein skólasetning er nógu slæm, en tvær?!? ) og stóð þá “allt í einu” frammi fyrir því að næsta dag myndu drengirnir mínir byrja í skólanum fyrir alvöru þennan veturinn og þyrftu auðvitað að hafa allskyns dót með sér – stílabækur, blýanta, liti, möppur og þessháttar.

Ekki að mér finnist sko beinlínis leiðinlegt að versla slíkt – meðal minna uppáhaldsstaða eru bókabúðir og ritfangadeildir verslana – bara ekki þegar hálf Reykjavík er í sömu erindagjörðum!    Úff púff…

Svo ég snaraði mér í Bóksölu stúdenta og varð mér út(i?) um blýanta, strokleður og yddara svo synir mínir færu nú ekki alveg allslausir í skólann (og notaði tækifærið til að kaupa bækurnar sem mig vantaði fyrir afl- og jarðfræði) og lét þar við sitja.  Ef þeir þyrftu að nota eitthvað fleira í skólanum fyrsta daginn yrði það bara að reddast.  Er ég ekki ægileg mamma?   Ég skammaðist mín nú soldið sko…    Bara ekki nóg til að drífa í þessu þann daginn. 

 

Hinsvegar fórum við mæðginin öll saman daginn eftir og bættum úr þessu.  Fyrir utan fjólubláu stílabókina.  Þegar við vorum búin að fara bæði í Hagkaup í Skeifunni og Mál og menningu á Laugaveginum án þess að finna FJÓLUBLÁA STÍLABÓK, A5, gáfumst við upp og ákváðum að hún yrði sko bara að bíða. 

 

En þannig hófst semsagt skólaganga sona minna þennan veturinn…  Og svo sat ég í rúman klukkutíma áðan og yddaði litblýanta milli þess sem ég rak Axel til þess að halda áfram með söguna sem hann átti að gera fyrir morgundaginn.  Mér datt sko ekki í hug að fara að kaupa nýja tréliti.  Þeir eiga heillt tonn af þessu hérna heima.  Þurfti bara að ydda! 

 

 

Já Menningar”nótt” var tekin með trompi og gott betur – törnin varð 18 tímar í það heila og finnst mér það nú harla gott úthald! 

En ég verð nú bara að segja að mikið robbosla er ég HEPPIN að þekkja svona mikið af svona DÁSAMLEGU fólki!  Því án þeirra hefði þessi langi dagur nottla aldrei orðið svona ægilega skemmtilegur! 

Það var mæting á Klambratún (ég NEITA að kalla það Miklatún, hitt er miklu flottara!) milli 10 og 11 – ég verð að játa að ég lét ekki sjá mig fyrr en undir hálf tólf , en tja... fólk var nú tiltölulega nýkomið hvort sem var, þeir sem voru mættir, svo það slapp nú alveg fyrir horn...

Svo lékum við okkur og ærsluðumst og létum almennt eins og fífl og skemmtum okkur alveg konunglega og var alveg sama þó aðrir gerðu það líka (vorum reyndar alveg viss um að þeir sem sæju til okkar bara GÆTU ekki annað! )

Undir 3 var stefnan tekin á Laugaveg og haldið áfram að sprella og ærslast (ég var reyndar lítið með í því þar sem ég þurfti að koma sonum mínum á rútu) og um 5 fórum við í Norræna húsið þar sem hluti hópsins gerðist hluti af sýningunni Out Of Office sem er nú eiginlega bara frekar flott verð ég að segja.  Ég er sérstaklega hrifin af rugguvélinni og hræristólnum! 

Því næst hópaðist fólk heim til mín í sturtu og almenna sjæningu því næsti viðkomustaður var Red Chilli til að fá sér eitthvað í gogginn.  Maturinn þar er alveg ágætur en ósköp þurftum við að bíða lengi eftir honum... Við ætluðum að reyna að ná því að sjá Jennýju syngja í dómkirkjunni en það hafðist bara alls ekki svo stefnan var tekin niðrá Sæbraut til að fylgjast með flugeldasýningunni.  Sem var BARA flott!  Og það var sko ótrúlega skondin tilfinning að geta labbað út á miðri götu á Sæbrautinni og horft bara á flugeldasýninguna í leiðinni!    Við vorum nebbla að leita að fólki líka – ekki alveg það auðveldasta þegar það eru næstum 100 þúsund manns á svæðinu!  Eins gott að allir eru með gsm!

Hmm... best að stikla á stóru...

Við nenntum alls ekki að bíða eftir að komast inn á Oliver svo við enduðum á að fara á bar sem heitir því frumlega nafni Barinn og er þar sem 22 var einu sinni.  Og þar vorum við ss lengi vel, fullt af skemmtilegu og hressu fólki sem finnst gaman að dansa og leika sér og fíflast – og drekka, tók ég eftir! – og skemmti sér almennt afskaplega vel.

Þegar við ÞÓRHILDUR (því miður, “Lóló” bara er ekki að virka fyrir mig! ) vorum komnar út af Barnum lýsti hún því yfir að hana langaði í pizzu.  Nú, þeir sem þekkja ÞÓRHILDI vita að ef hana langar í eikkað þá endar með því að hún fær það svo það er alveg eins gott að gefa eftir strax , þannig að við röltum okkur niðrí hafnarstræti til að fá pizzu handa henni.  Síðan var stefnan tekin heim og þar var lent um hálf sex. 

Daginn eftir var ég alveg merkilega hress miðað við allt og allt, fyrir utan stórfenglegt hælsæri á hægri fæti  og þó nokkrar harðsperrur.

En langt langt uppúr stendur allt dásamlega fólkið sem ég skemmti mér svo ægilega vel með allan þennan tíma! 

Elskykkur útaf lífinu, knús og kyss!

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

á Dalvík verður hér eftir fastur liður á hverju ári.  Ekki spurning.  Ég meina, ég náði ekki smakka nema einn rétt (saltfiskvöfflurnar, og þær ERU æði!  Hvað sem litla systir segir ) – mar verður nottla að standa sig betur næst!

Mig skortir orð.  Þetta var bara... dásamlegur dagur.  Og nótt.  Og morgun.

Hann hófst með því að við systurnar vöknuðum hressar og kátar fyrir klukkan 7 að morgni laugardagsins og drifum okkur af stað.  Ekki oft sem maður leggur af stað bara um það leyti sem mar ætlar sér!   Við brunuðum í bæinn og alla leið vestur í bæ til að ná í Víði vitleysing sem hafði ekki getað komið sér undan því að mæta í eitthvað partí kvöldið áður...

Síðan var bara lagt af stað í snarhasti, enda mikill spenningur að hitta allt yndislega fólkið sem beið okkar (ábyggilega í ofvæni! ) á Dalvík.  Ferðin gekk stóráfallalaust fyrir utan einstaka hrotu í Víði sem ollu á stundum nærri því útafkeyrslum og árekstrum...  (Neinei Víðir minn, ekkert í alvörunni, þetta var bara of freistandi til að sleppa því... )

Þegar til Dalvíkur kom var ekkert verið að tvínóna við hlutina enda enginn tími til þess, heldur barað skella sér í græna gallann, sletta málningu framan í sig og svo niðrí bæ að dreifa auglýsingableðlum fyrir sýningu á Mávinum seinna um daginn.  Litla systir var bara ansi liðtæk –  þetta kemur allt saman hjá henni...  Ég held ég gefist ekkert upp á henni alveg strax!    Og svo þurfti auðvitað að fá sér saltfiskvöfflu.  Það er nú ekki hægt að mæta á Fiskidaginn mikla án þess...

Þegar bleðlarnir voru búnir var kominn tími á að skemmta fólkinu á fiskideginum enn frekar með ýmiskonar gerningum og gjörningum:  Síldin var að sjálfsögðu afar viðeigandi, við apaköttuðumst meðal fjöldans í dálitla stund og enduðum svo á plani við höfnina þar sem stiginn var dans undir kröftugri bunu úr snjógerðarvél (vatn en ekki snjór sem betur fer! ) þannig að allir urðu rennandi blautir – og skemmtu sér svona líka vel!  Bara gaman!  Stomp tók við af vatnsdansinum – það ætluðu sko ekki allir að vera með í stompinu þar sem einhverjir höfðu aldrei gert soleis áður (ég vissi nú bara eiginlega varla um hvað málið snerist – hafði bara svona óljósa hugmynd ) en mjög fljótlega voru bara allir farnir að vera með hvort sem þeir vissu hvað þeir voru að gera eða ekki.  Það var bara ekki hægt annað, fílíngurinn var svo mikill!  Reyndar var mér svo sagt síðar að þetta hafi verið afskaplega kaotískt stomp...    En gaman var það!

Næst á dagskrá var að fara í sturtu og þurr föt – allir voru blautir inn að beini.  Meirað segja litla systir sem lét ekki hafa sig út í dans eða stomp eða neitt skemmtilegt en stóð svo bara við hliðina á vatnsbununni! 

Ekki var samt gefinn langur tími til þess, því það var komið að því að drífa sig í Hánefsstaðarreit (úff, ég vona að þetta sé rétt nafn) þar sem lokasýning á Mávinum fór fram.  Og gamanið ætlaði bara engan enda að taka!  Leikararnir skemmtu sér greinilega konunglega og áhorfendur engu síður – meirað segja og jafnvel enn frekar ef þeir höfðu séð sýninguna áður, því nokkuð bar á... tja, frávikum í flutningnum...  Ég á aldrei eftir að gleyma Möshu í krokket með plómuna...    Hrein snilld!

Og fjörið hélt áfram – og áfram – og áfram – og áfram!  Það var grillað í aðsetri okkar í skíðaskálanum á einnota grillum sem náðu ekki að kveikja í kofanum þrátt fyrir einlæga tilraun til þess, hakkisakk var spilað fyrir og eftir mat – með misgóðum árangri , kvöldvakan í brekkunni var yndisleg (ég fæ aldrei nóg af vögguvísunni úr Allra kvikinda líki og Aldís er gegt frábær rotta! – að öllu öðru ólöstuðu of kors) og svo var bara gaman og gaman og meira gaman!

Ég held ég fari ekkert nánar út í uppátækin sem farið var út í þegar líða tók á nóttina – þau voru mörg og margvísleg og mjög mismunandi gáfuleg...

Morguninn eftir var fólk misjafnlega hresst en tókst samt að hesthúsa öllum morgunmatnum þannig að þegar mestu svefnpurrrrrrkurnar komu niður þurftum við virkilega að nota allt okkar ímyndunarafl til að útbúa ætan morgunverð (mæli t.d. ekki með gúrkum og appelsínumarmelaði saman... ) – þó að sumir hafi nú reyndar ekki haft sérlega mikla matarlyst af einhverjum einkennilegum ástæðum...

En svo var bara eftir að ganga frá, taka til og koma sér af stað heim aftur...  Einhverjir ákváðu að framlengja skemmtuninni og skella sér í riverrafting sem var víst alveg gegt gaman og hefði verið æði að fara með en það verður víst bara að bíða betri tíma.

 

Svo þangað til næst, sem ég vona að verði sem allra allra fyrst!  Knús og kyss og takk fyrir samveruna!

 

geitunga.  Ég ætla ekki að ganga svo langt að segja að ég sé beinlínis HRÆDD við þá...  Enda er ég afskaplega hugdjörf manneskja og hræðist ekki margt

En það verður nú seint hægt að segja að ég og geitungar séum best buddies.

Ég lét mig nú samt hafa það að sitja inni í herberginu mínu áðan með einn sveimandi yfir mér... 

Held að hann sé farinn núna.  Hefur sennilega fundið neikvæðu straumana frá mér og ákveðið að ég væri ekki líklegur kandídat í best buddy  og farið að finna sér annan

Þetta eru sjálfsagt alveg gífurlegir fordómar.  Tegunda-misrétti.  Eða eitthvað.    Mar ætti víst að vera feginn á meðan geitungar stofna ekki Samtök Um Réttindi Geitunga.  SURG.  Nóg eru víst óhljóðin í þeim samt...

og rigning líka.  Er það ekki merkilegt?  Rok og rigning á Íslandi...

Það sem er kannski merkilegast er samt að það skuli EKKI vera rok og rigning núna!

Ég fer til Dalvíkur í fyrramálið.  ELDSNEMMA!  Ég hlakka til.  Saltfiskvöfflur eru víst æði! 

að halda sér á beinu brautinni...  

Nú er ég td búin að ætla mér í ansi langan tíma að fara á fætur ekki seinna en 10 - svona virka daga allavega.  Mér tókst það í gær, af einhverjum einkennilegum ástæðum... Ekki einu sinni í morgun, þó að ég þyrfti að vera mætt á fund kl. 11.  Skreiddist á fætur 10.30.  Venjulega er ég ss að drattast á lappir um eða uppúr hádegi, sama hversu "gott" veður er úti.  (Gott veður er sko afskaplega afstætt skal ég segja ykkur! ).  Drengirnir eru þá búnir að sitja meireðaminna stjarfir fyrir framan sjónvarp/tölvu í þó nokkuð marga klukkutíma - til dæmi um að þeir hafi vaknað fyrir 7 til þess arna - ekki búnir að klæða sig, varla búnir að borða nokkuð og dettur ekki einu sinni í hug að fara út.  Ekki gott til afspurnar, sko. 

Ég er líka búin að ætla mér að hreyfa mig reglulega í sumar - helst eitthvað á hverjum degi.  Gönguferðirnar er teljandi á annarri hendi - og trambólínferðirnar á hinni.  Það er nú svo og svo er nú það. 

Taka mataræði í gegn - við skulum nú ekki einu sinni ræða það. 

Taka sumarpróf  - nei, það verður víst ekki af því.  Nema ég ætli að hefja næstu önn örþreytt og orkulaus og búin á því...  Sem er EKKI góð hugmynd, ef þið skylduð hafa verið að velta því fyrir ykkur...  Það myndi bara þýða að ég klúðraði næstu önn.  Er farin að kunna á þetta.  Ojá.

Hmm... það mætti halda að ég væri eitthvað þunglynd eða eitthvað...    Þvílíkt endemis svartagallsraus... 

En ég er allavega að fara á Dalvík um helgina með fullt af skemmtilegu fólki, á Fiskidaginn mikla og ætla að skemmta mér aldeilis vel!  Og vonandi öðrum líka!